नेपाल सरकार, गृह मन्त्रालय, सिंहदरबार, काठमाडौँ, नेपाल
नेपाल सरकार
गृह मन्त्रालय
सिंहदरबार, काठमाडौँ, नेपाल

माननीय गृहमन्त्री ज्यू राजधानीको ट्राफिक ब्यवस्थापन सम्बन्धी निर्देशन दिदै
फ्रान्सेली राजदुत वेश कारमोनाले गृह मन्त्री जर्नादन शर्मासँग शिष्टाचार भेटघाट गर्नु हुदै ।
माननीय गृहमन्त्री ज्यू सशस्त्र प्रहरी बल नेपाल¸ प्रधान कार्यालयको स्‍थलगत् निरीक्षण भ्रमण मा
माननीय गृहमन्त्री ज्यू नेपाल प्रहरी प्रधान कार्यालयको स्‍थलगत् निरीक्षण भ्रमण मा
  • प्रहरी सुधार कार्ययोजना केही दिनमै सार्वजनिक गर्छु– गृहमन्त्री शर्मा २०७४ अषाढ ७

    २०७४, असार ६ ः गृहमन्त्री जनार्दन शर्मा प्रभाकरले प्रहरी सुधार कार्ययोजना केही दिनमै सार्वजनिक गर्ने बताउनुु भएको छ । कैलालीको धनगडीमा क्षेत्रिय सुरक्षा गोष्टी उदघाटन गर्दै, आज मन्त्री शर्माले निर्वाचन सफल पारेमा सुरक्षा निकायको उचित मुल्यांकन हुने बताउनु भयो । यसैगरी उहाँले विभिन्न जिल्लाहरुको चुनावी निरीक्षण र सुरक्षा प्रतिनीधीहरुसँगको अन्तरकृयाले दोस्रो चरणको निर्वाचन पनि शान्ति पुर्वक सम्पन्न हुने निष्कर्ष निकालेको बताउनु भयो । साथै उहाँले एउटा जिल्लामा उम्मेदवारी दर्ता गर्ने दलले अन्य स्थानमा विरोध प्रर्दशन गरेको न सुहाउने पनि बताउनु भयो । मन्त्री शर्माले दलहरुबिच प्रतिस्पर्धात्मक कलह देखिएमा कुशलतापुर्वक सहजीकरण गर्न सुरक्षा निकायलाई निर्देशन दिनु भयो । उहाँले जनताको मतदान गर्ने उत्साह र अधिकारको कदर गर्दै भौगोलिक तथा प्रतिकुल मौसमसँग पनि सामना गर्न सकिने बताउनु भयो । गोष्टीमा गृह सचिव लोक दर्शन रेग्मी, निर्वाचन आयुतm सुधीर शर्मा, राष्ट्रिय अनुसन्धान विभागका प्रमुख दिलीप रेग्मी, नेपाली सेनाका बलाधिकृत रती बलदेवराज महत, सुदूर–पश्मिका ९ वटै जिल्लाका प्रमुख जिल्ला अधिकारीहरुको उपस्थिती थियो ।

  • जनताले टिप्पणी नगर्ने प्रहरी बनाउने मेरो प्रयास हुनेछ–गृहमन्त्री शर्मा २०७४ अषाढ ७

    असार ७, चितवन– गृहमन्त्री जनार्दन शर्मा प्रभाकरले प्रहरी संगठनलाई जनताले टिप्पणी नगर्नेगरी पुनर्संरचना गर्ने बताएका छन । बुधबार चितवनको भरतपुरमा आयोजित १७३ औं समुहको प्रहरी सहायक निरीक्षक (असई)को पासआउट समरोहलाई संवोधन गर्दै मन्त्री शर्माले यस्तो बताएका हुन् । ‘जनताको टिप्पणी नहुने प्रहरी संगठन निर्माणका लागी मेरो प्रयत्न हुनेछ’ मन्त्री शर्माले भने, ‘संघिय स्वरुप अनुरुप संगठनको पुनर्संरचना गर्ने प्रक्रिया छिट्टै अगाडी बढाईने छ ।’ ‘सिपाही वा प्रहरी महानिरीक्षक सवै राष्ट्रप्रती ईमान्दार हुनुपर्छ’ मन्त्रि शर्माले भने, ‘संगठनभित्र विभाजन र गुटबन्दी राज्यलाई स्विकार्य हुँदैन ।’ मन्त्रि शर्माले प्रहरीसंगठन भित्र गुटबन्दी गरेमा कारवाही गरिने चेतावनी दिएका छन् । ‘गुटबन्दी गरे कारवाही हुन्छ’ उनले भने, ‘सिपाहीले पनी ईमान्दार भएर राष्ट्रलाई योगदान दिन सक्छ ।’ प्रहरीको बर्दि राज्यको गौरव भएको उल्लेख गर्दै मन्त्रि शर्माले बर्दिभित्र जनताको ठुलो आकांक्षा र मनोभावना रहेको बताए । बुधबार पासआउट भएका १५० जना प्रहरी सहायक निरीक्षकहरुलाई कानुनको रक्षाका लागी बर्दिको सदुपयोग गर्न आग्रह गर्दै मन्त्री शर्माले भने, ‘अब प्रहरीमा वृत्ति विकासको खडेरी ब्यहोर्नुपर्दैन, वृत्ति विकासको ढोका खोल्ने प्रविद्धता ब्यक्त गर्दछु ।’ मन्त्रि शर्माले तालिमका दौरानमा विभीन्न विधामा उत्कृष्ट भएका १७३ औं समुहका जुनियर प्रहरी अधिकृतहरुलाई पुरस्कृत गरेका छन् । कठिन तालित पुरा गरेर कार्यक्षेत्रमा खटिन लागेका जुनियर प्रहरी अधिकृतहरुलाई बधाई दिँदै मन्त्री शर्माले कुशलतापुर्वक आफुलाई तोकिएको जिम्मेवारी पुरा गर्न निर्देशन दिए ।

  बोलपत्र/दरभाउपत्र

  निर्देशिका/कार्यविधि

© सर्वाधिकार सुरक्षित गृह मन्त्रालय